Tur til Kvaløy og Ølmedalen rundt

2. pinsedag tok me oss ein tur ut til Kvaløy og Ølmedalen. Målet var å gå Ølmedalen rundt, og om det passa vere med Åsvald ut å fiske litt. Me fekk med oss begge deler, i tillegg til å helse såvidt på Sjur.

Då me kom var allereie Åsvald og Edvard ute og "tørka over" fisk. Ettersom eg forstod så var det å flytte fisken (hovudsakleg makrell) over frå ei not, og til ein pose (ei samlenot.) Hanne tok oss med over i ein annan båt, og me fekk sjå/vere med på dette arbeidet. Både eg, Øystein og Kenneth syntes dette var fascinerande :)

Det var nokre fiskar som hadde sett seg fast i nota, og desse tok me opp i båten. Dei som var ferske tok me med til land - og dei andre fekk måkene. Me var så heldige å få me oss eit par makrell heim. Edvard fileterte t.o.m eit par av dei - luksus :)

Etterpå køyrde me opp til Ølmedal for å gå "Ølmedalen rundt". Me hadde ikjkje me oss vogn, men fekk låne ei tvillingvogn. Det passa godt, for Øystein var trøytt og sovna halvvegs rundt vatnet. På veg rundt vatnet helste me og på Sjur, ein vallakk me har sett ut på for. Han kjente oss igjen, men såg ut som han trivdes godt der han var. Ei stund sidan manen hans var klypt :)

Ein stolt gut som fekk medalje etter å ha sove seg gjennom Ølmedal rundt :)

Petter Northu var og med

Vår :)

Etter ein kort(?) bloggpause på omlag 1 1/2 år er det på tide å prøve att... Det er endeleg blitt vår og nesten sommar. Det er eigentleg ingen grunn til å bli flinkare til å sitte framfor PC'en - men det gir litt meir energi til å gjere ting som er blit nedprioritert.

Det er slutt på frostnettene (håpar eg...), sola skin lenger for kvar dag og temperaturen er opp i mot 20 grader. Med unntak av litt kald vind er det nesten sommarstemning :)

I fjor haust fekk eg endeleg laga klar blomabedet mitt på sida av trappa. Då eg spar og lukar i det får eg ei kjensle av at det blir i største laget... Men, får prøve å sjå korleis det går :) I fjor sette eg laukar av tulipan, påskeliljer, krokus og snøklokker. Resultatet var heller skuffande i vår... et kom opp 2 tulipanar med knopp - 5-6 tulipanar utan knopp - og ei lita snøklokke utan blom... Litt usikker på kva som skjedde, men trur kanskje at løkane vart liggande for varmt og tørt før eg sette dei... Men men - får sette nye til hausten.

For eit par veker si planta eg og Øystein solsikker inne, og dei planta me netopp ut. Det er ei blanding av solsikker i både storleik og farge - så blir spennande å sjå kva som dukkar opp :) Har planta dei i ei rekke heilt bakerst i bedet.

Planta og ut ei potte med små stemorsblomar som var att etter ein oppsats eg kjøpte til påske.

Eg prøver meg på litt grønsaker i år og. Dei 2 førre åra er den litle avlinga mi eten opp av sauene lenge før hausting. No har me sett opp eit skikkeleg gjerde rundt heile hagen, så då prøver eg ein gong til... Eg og Øystein har planta purre, gulrøtter og markjordbær inne. Idag planta me ut purren og gulrøten + at me sådde sukkererter. Sukkerertene til venstre for planken, og gulerøttene og purren til høgre. Planke var eit forsøk for å skjerme plantene for vinden...

Inntil veggen her er er det meininga at eg skal plante ut jordbærplantene når dei veks litt meir - eg må berre luke litt først... Eg må og plante ein ny grasløk, for der har viss sauene fare med røtene og alt...

Adventskalender

I år hadde eg ikkje tenkt å lage adventskalender til Øystein Eg tenkte han var for lite til å vite kva han gjekk glipp av, så då var det ikkje vits i. Men oldemor (farmor) til Øystein synest at Øystein skulle ha adventskalender. Ho vevde eit julemønster, sydde sekkar og fylte opp i dei. Så fekk eg ein flott - fiks ferdig- adventskalender til Øystein.

Det tok ikkje mange dagane før Øystein forstod kva dette var :) Han står klar til å ta imot pakkane - og kikkar overraska når det er tomt i posen. Det einaste han ikkje forstår er kvifor han ikkje kan få meir enn ein pakke om dagen :) Til nå har han fått mykje duplo, sokkar, smikke og ei flott trebjølle. Mange flotte ting som både eg og Øystein set pris på - takk oldemor =)

Kva skal ein gjere?

Ja, kva gjer ein når ein har ein gut som eeeelskar å sitte på akebrettet, ei litt lat mor, og ein hyper border collie?

Joda, me finn fram akebrett, sele og ban med strikk i - så set me i gang. Pga oppussing av løa har er det lite fritid, noko som diverre går utover hundane. Dei vert lufta kvar dag - men skulle hatt meir tid til trening og kos. Difor er det om å gjere å vere effektiv når ein kan - og slå fleire floger i ein smekk. Det er berre andre gongen Ross prøver å dra - så det gjenstår ein del trening. HEldigvis er Øystein tolmodig, og er like blid sjølv om det tek tid å ordne opp i surra band - og det går litt i rykk og napp :)

Som sagt så er Ross ein aktiv og ein energibunt av ein hund. Tenkte då at å dra akebrett var ein fin måte å få ut litt energi. Spike kan eg bruke til å dra akebrett, men pga litt dårli kondisjon for tida, vil eg ikkje la han dra 2 dagar på rad. (Han drog igår.) Spike var lett å trene, for han vil berre gå i hælane på meg å dilte. Så då var det berre å oppmuntre han til å dra og belønne for det - så gjekk resten av seg sjølv :)

Med Ross var det derimot ein annan sak... Han elskar å springe og ville helst springe over alt no og... Noko som ikkje gjekk pga han som satt i akebrettet. Så eg prøvde å få han til å gå fint og dra rolig.. Bruka først tid på å lære han å gå framover - og at han faktisk skulle dra. Bruka ros når han gjorde rett - med det resultat at han hoppa bort til meg for å få skrøyt. MEd et resultat at det rykka ubehagleg for han i akebrettet, så eg måtte skru ned rosen litt. Var mykje styr - men ved oppmuntring når han drog og eit mildt "nei" når han byrja leika gjekk det framover. Mot slutten drog han nokonlunde jamnt, og leika litt mindre over korte strekningar. Godt nøgd med økta - og gledar meg til å trene vidare :)

3 nøgde gutar etter turen :)

På tide med ny oppdatering...

Hmm, ser ut som alle bloggane mine blir oppdateringar... Har vore travelt og lite blogging i det siste - får prøve å gjer noko med det framøve... Ein gong i sommar lovte eg Bjørnar at den neste bloggen min skulle fortelje korleis det gjekk med grønsakshageprosjektet mitt, så eg får begynna der...

Eg sådde som sagt halvparten men hodesalat og halvparten med gulerøter. Eg sådde sjølvsagt rett før den første varme perioden i sommar - og det tok difor si tid før dei kom opp. Når dei endeleg kom opp var eg faktisk fling til både å vatne og luke. Så kom me til ein ny varmeperiode (nesten tørkeperiode :), og då vart det sløvt med vatninga - pga trøbbel med vatningsanlegget.

Likevel så vaks nå både gulerøtene og salaten litt etterkvart. Det nærma seg at eg kunne hauste salaten - men det var nokon som kom meg i forkjøpet... Eg hadde ikkje greid å få Kenneth til å ordne gjerdet rundt hagen endå - så plutselig va både gulerøtene og salaten vekke. Låg bare nokre haugar med saueskit igjen... Så til neste år får eg prøve igjen - og sørge for skikkelig gjerde!!

Pløying med hest

For ca 2 veker si fekk eg spørsmål frå Lene om eg ville vere med og pløye potetåkeren hennar med hest. Selvfølgelig ville eg det - så då blei Øystein plassert hos mamma - og eg køyrde inn til Vetrhus.

Lene hadde henta Litlehesten frå beite, og plogen sto klar. Eg skulle køyre hesten - og Lene skulle styre plogen. Til og byrje me vart det litt skjeive furer.. Ikkje visste eg kvar eg skulle køyre - og eg og hesten var ikkje heilt samkøyrte. Men etter eg og hesten blei litt kjende med kvarandre - og Tor hadde justert plogen- så blei det nokså bra :)

Det var ikkje stor potetåker - men likevel var det kjekt å prøve korleis det var.

Litt oppdatering

Er blitt lite skriving, eller blogging, i det siste... Delvis fordi det har vore travelt, og delvis fordi me ikkje har hatt internett heima. Etter straumbrudd (ein gong under lemminga) har internett vore vekke, og først i sist veke fekk eg somla meg til å bestilla ny boks :-/

Hest
Her er det sørgelig lite å oppdatere... Jørgine har hatt fri mesteparten av våren. Men når 17. mai, 4H sin Grendadag og Ungdomslaget sin grilldag må ho til pers. Her er alltid ein flokk med ungar som vil køyre hest. Så då er det fram med sele og vogn - å traske uendelige rundar rundt fotballbanen :) Heldigvis er ho ein stødig og godt innkøyrd hest - slik at eg kan køyre slike gonger, utan trening. Etter ho var ferdig med å køyre på grilldagen fortente ho ein liten ferie. (Som om ho ikkje har ferie heile året :p)

Eg mistenkte ho nemleg for å vere i brunst, så då køyrde me ho ned til Eriksmoen der Fattnes Jonas sto å venta :) Eg var litt bekymra for at ho skulle få juling av hingsten (er alltid litt bråk når dei sleppes saman), men etter ei lita stund var eg meir bekymra for hingsten. Jørgine lot seg ikkje kommandera nei... Men får håpa u roe seg og lar hingsten gjer jobben sin - så blir det nok endelig et lite føl på Øvrabø igjen.

Fattnes Jonas

Hund
Det er ikkje blitt veldig mykje trening i det siste. Pga at sauene går ut (me trener, stort sett ikkje, på sauer med lam) og at me har dyrka på det beste treningsområdet vert det lite trening. Men sist veke starta me opp att i Eiadalen. Spike går det framover med. Litt ulydig, men ein god arbeidshun. Nå jobbar eg mest med lydighet, og å lære "høgre" og "venstre" på fløyte.
Og korleis går det med Ross? Hehe, det lure eg på. Han er fremdeles ein stor bajas som trur livet består av kos og lek. Sauene er kjekke og springe rund, og kanskje nappe litt i ulla. Men sette trykk på dei og drive dei mot meg? Nei - det er det ikkje noko poeng i... Begynne bli litt frustrert ettekvart nå - men får prøva littt meir.

Problemene mine er forsåvidt små i forhold til Kennneth... For snart 2 veker sidan var Kenneth til synstest med Kai. Han var svekka pga synet, og ville berre forverra seg. Han bestemte seg difor for å avlive Kai. No har han ein åring på prøve, men er usikker på om han vil behalde den, og er difor på utkikk etter ny hund.

(Kai)